正所謂心病還須心藥醫，中醫到底又點處方「心藥」呢？好似每個香港人，都隱隱有唔同程度嘅抑鬱焦慮徵狀。你有無試過緊張時易肚痛、經常失眠、無故哭泣或者心跳太快呢？

喺中醫學上，以「情志」來泛指情緒或心理活動，淺白講即係喜、怒、憂、思、悲、恐、驚。傳統上也有「悲秋」一說，所以轉天氣都會影響情緒㗎。

把脈知心情？
抑鬱焦慮徵狀嘅人，脈像通常能反映端倪，例如臟腑功能失調、心膽氣虛、肝火過盛等等。睇睇「面色」都判斷到患者嘅憂思過度情志內傷！

好多人有「心病」（情緒困擾）會選擇睇西醫食血清素、安慰劑之類的藥物，也有人相信情緒輔導支援。

針灸治「心病」​❓
事實上，中醫嘅藥湯（如逍遙散）、​針灸​、刮痧，都可以起到調理作用。本地大學早喺2012年就發表過新嘅穴位針刺方法，比起安慰劑更有效輔助治療抑鬱症呢！